حال القمر

جالوا
تعالى

جالوا تعالى وشوف
حال القمر
ماله
بصيت لجيته تعيس

ولحن الهم مواله

جلت اكيد الهوا

هوى وانشغل باله

جوم لعنت الهوا لابوه لاصل سلساله

نصايه

وحيد
وجوا منى انين
مجروح
وبين ضلوعى حنبن

وف غربتى تايه بقالى سنبن

والى مصبرنى على الحياه

حب الحياه ف ساعات

وساعات
دمع العنين

مخاض((من اواراقى المصفره))

الميلاد الاول

((وبدات القصه))

من عالم خاص

يحتوينى

يدفئنى

يأوينى

يسترنى بغير ملابس

يحمينى بغير حرس

سقفه حيث رأسى

وارضه تحت قدمى

((انا كل مكان فى هذا العالم))

الى عالم مقلوب

راسى اسفل

معلق فى الفراغ

كالوطواط

عالم مزدحم

لا مكان لي فيه

وانا لا مكان فيه

((وبهتوا يا للعجب من هول صرخه استقبلت بها عالمكم))

*******************

ميلادى الثانى

يوم احب

كمقامر

خاسر

اتحسس جيوب القلب الفارغ

ابحث عنه هناك

يوم احب هه!!

لا يعرفنى

لا اعرفه

قد يأتى او لايأتى

هذا حقا لا يعنينى

كذباُ كذباً

لا يعنينى

*************************

الميلاد الاخير

من عالم مقلوب

الى عالم افقى

البس كفنى

اودع املى

احتمى بعملى

اذوب فى التراب

((وانتهت القصه))

15/يناير 2005

ورقه قديمه

امبارح كنت بقلب كراريسى وورقى القديم لقيت ورقه معايا من 1/2005

يعنى من تلات سنين

قلت اكتبها هنا ونشوف ايه الى كان فيها

____________

تحدى فى ضوء القمر 9 يناير 2005

وحيدا

فى ضوء القمر

اقف

عارى الجذع

والقدمين

ارتجف

يصعدون الى اعلى

اصوات اقدامهم تقترب

انضر الى اعلى ارى النجوم تستحلفنى

انظر الى اسفل ارى العيون تترقبنى

وامامى

عينان تتحدى

وقع الاقدام

يقترب

تنظران لى

من خلفهم

ينساب فى الهواءمحلقاً

يدورويعود ليتحدى

الرياح لا تتعاطف معى

تدمينى وتدفعنى

ام تحثنى على التحدى

(اصوات دق على الباب)

ترددى ام خوفى يمنعنى؟

(اصوات)

يصيحون

"اكسر الباب"

قررت

لست جبانا

واحد

قبلت

لست ضعيفا

اثنان

قادم

لست مترددا

ثلاثه

تهاوى الباب

انى احلق

" انتظر يا مجنون"

اصموتوا انى احلق

اقتربت منه

شهقوا هم

وابتعد هو عنى

برقت عيونهم جزلاً

على خدى

سالت دمعه

خسرت التحدى

وسالت دموع

انا لست نسرا

و

احتضنتى الارض

وفى سكون

دَمِعت العيون

هدأت الرياح

رحلت النجوم

وبقيت انا

مع الارض

وحيدا

فى ضوء القمر

مينى مينى قصيده

بتسأل فينى!!
بتسأل فينى وانا فى الدنيا الواسعه بفكر فيك؟
مهما اشرق ولا اغرب تبقى القبله عنيك

وتسأل فينى؟

هنيالك يا عم تادرس قزنا على كودى فوار

شفت قبل كده الحجاب

مش الحجاب بتاع البنات قصدى الحجاب التانى بتاع الدجالين

شفت بقى شخص محجب قبل كدا

بلاش شفت محظوظ ابن عم بطوط البطه المستفزه دى الى بتكسب على طول

دى بقى تعرفها اكيد

دا كان احساسى النهارد مع الحضرى

الجون كان محجب كل الهجمات تيجى لحد عنده وتطير تخبط فى صدره وتطير تخبط فى مهاجم اوفوارى وتطير
بأمانه ان ااتعقدت للافواريين

بس دا طبعا ميقللش من ان احنا نستحق الفوز

نقطه تانيه
ايه الحوار هوا الريس سايب غزه واسرئيل وقضايا الدعم ورغيف العيش والجماعه الغندوره وقاعد للماتش وايده على سماعه التليفون اول مايفوزوا يبعت البرقيه

دا سوبر هنيدى مش سريع كدا

واخيرا هنيالك يا عم تادرس

الخطط الاكيده لفوز منتخب مصر فى موقعه كو دى فوار

احنا النهارده هنلاعب كودى فوار فى الدور قبل الناهئ لكاس الامم

واحد فيكوا هيقولى واحنا مالنا
والتانى هيقولى كودى فوار هتكسب
وتالت هيقولى انا بشجع الكاميرون

هقولكم كلكم اتلهوا على عنيكم وركزوا معايا

دى اراء انهزاميه
احنا ممكن نغلب كودى فوار
احنا محتاجين الفوز دا

وبعدين دا كفايه ان سياده الرئيس جمال مبارك حاضر بنفسه

ايه المنظر بقى لما يكون قاعد ونخسر
الناس فى افريقيا تقول علينا ايه
اصحابه الريسه هيقولوا ايه
المجتمع الحر هيقول علينا ايه

ومن هنا
وعلشان انا خايف على سياده المعلم حسن شحاته
وخايف على الساده اللاعبين
وعلى صحه الرئيس جمال الى ممكن يتأثر قوى لو خسرنا((لان كلنا عارفين انه مش بيطيق الهوا على مصر , علشان كدا قرر يموت الى جابونا علشان منجرحهاش باشكلنا الزباله))

وعلشان خاطر عم تادرس البقال لانه حلف على مراته بالطلاق لو مصر خسرت

انا هدى حلولى الذهبيه للمعلم
اسمع وفنجل عنيك

الخطه الاولى
2_4_2
بص يا برنس اول خطه سهله جدا
احنا نلعب 2_4_2

هتقولى ازاى
كدا 8 لعيبه والجون يبقوا 9 فين الباقى؟
اصبر وبلاش هلع

الى هيحصل ان احنا هنزل عبد المنصف والحارس التالت ((مش فاكر اسمه)) ونلبسهم ملكى((زى بقيت اللعيبه يعنى))
وكل واحد يمسك زاويه
والحضرى فى النص
وهاتك يا صد
وابقى قابلنى لو دخل جون

الخوف بس من الواد عبد المنصف تلاقيه ناطط ماسك الكوره بأيده تتحسب ضربه جزاء يبقى ضعنى
ودا واد متهور ومندفع وشرس ويعملها

سيبك من الخطه دى احنا نلعب على بالخطه التانيه

خطه المساك للجميع "الكلبشات"

احنا نبتدى من اولها كدا على بلاطه احنا جايين نتعادل
وننزل بالاحداشر لاعب عادى


واول ما يصفر الحكم

هب كل لاعب يطلع كلبش ويمسك لاعب من كودى كودى

ابو تريكه لاعب
حسنى لاعب
زيدان لاعب
عمرو زكى لاعب

حتى الحضرى يروح يمسك الواد حارس المرمى بتاعهم
وهم يتعرفوا على بعض

طبعا الخطه كدا مخلصتش

احنا نبعت حسن شحاته بالاحتياطى بالمعاونين بالطبى يروحوا يمسكوا جيلى وجهازه
وحرصا منا على توفير حق المساك للجميع
فانا اطالب بان الرجاله المصرييين يسافروا على كودى يمسكو الرجاله الكوديين

:نعم؟

فيه ايه؟

: وانته مالك انته بالستات ملكش دعوه همسكهم انا وجمال((صاحبى مش الى بالك فيه))

سامع واحد بيزمزق ويقول اشمعنى انا امسك وهوا لا هقله خلاص يا فقر مش عارفين نجيب التأشيره

وكل كلابشتنا فى الاقسام مشغوله
غير انها هعده مينفعش تطلع الا بقرار من الوزير نفسه ومختوم بختم بلعزبول

معدش عندى غير حل واحد ودا بقى سهل
الخطه التالته (ن_1)
لا تقولى بقى عبد المنصف ولا عهده
احنا نجيب جدع حيليوه كدامن المخابرات شبه ادهم صيرى

ونوقفه بسنيبر وسط جمهور انجولا
"عارف يا زكى ان احنا هنلاعب كودى , بس دا تمويه لزوم السريه "
واى كلب يشوط كوره على الحضرى ينطخ

ولا من شاف ولا من درى

وبكدا نكون حققنا فوز سهل ومريح وشفاف ودستورى ووطنى ديموقراطى
وناخد الكاس
ويعيش سياده الريس مبارك وولده جمال

اهلا ومرحبا بيا فى عالم التدوين

والان ايها المدونون الاعزاء

وايتها المدونات العزيزات

جائكم خورشيد كى يقوم بارتجاعاته النفسيه وعرض ارائه السخيه

وتوصيف علاقاته المريضه والسليمه والغبيه بمجتعاتنا الشرقيه التعيسه


ايه الكلام دا انا كتبته ازاى


راجع راجع سلام