نقطة...ومن أول السطر

2008/05/13

قال زعلانين عشان غلو البنزين

انا مش زعلان..

ايوه انا مش زعلان

انته زعلان؟

زعلاااااااااان ليه؟

قلى انته زعلان ليه؟

هتقولى متزعقش؟

طيب مش هزعق بالراحه اهه

انته زعلان ليه؟

انا مش زعلان

غلو البنزين

ما يغلو البنزين والجاز والاكل والشرب والهوا

دا يا ابنى حاجه ماتضايقش

دى حاجه تفرح

حاجه تعرفنا ان الحكومه بتفكر فينا وبتحبنا

وخايفه علينا

لما الدولار خس والحاجه غلست وغليت

والناس الوحشه طلعت اشاعه ان العيش مش موجود

الحكومه صحيت الصبح

بتقرا الجرنال عاااااااااااادى

ولا بيها ولا عليها

لقت الى بيقول مواطن ولع ف نقسه علشان العيش
ودا ولع ف نفسه بايه مش بجاز؟

عنوان تانى
تقتل حماتها وتحرق جثتها
وانته لما تدعى على حد توله ربنا يولع فيك بجاز؟

تالت

يقتل مراته لانه شك فيها باغراقها ف الجاز
تعمل ايه بقى الحكومه...............!؟؟!!

تسكت؟

تجيبلنا عيش؟

تعيشنا حياه كريمه؟

ما تردوا....!
مش لاقين حاجه تقولوها
مش كدا؟

طبعا تغلى الجاز نقوم منلاقيش حاجه نولع بيها ف نفسنا

والمشكله تتحل

دا من الجانب الامنى

ومن جانب اخر الحكومه خايفه على صحتنا

طبعا احنا عارفين ان بعد ارتفاع اسعار الحياه

كان لازم الام تنزل سوق العمل

وطبعا من ضمن الحاجات الى غليت اللبن

والعيال مش لاقيه اللبن ولا ام ترضعها طبيعى
ومن حقهم يرضعوا

طبعا الاخوه ف البلد

م التانك على طول
الواد ياخد التفويله من هنا ويفضل يجرى لحد ما البنزين يخلص

لا يا جماعه دى حكومه بتخطط برضه دى اسم الله عليها حكومه زكيه

وخايفه علينا اصل سرب البنزين بيعمل غازات

واخيرا

القرار دا جه لدعم الرياضه ومشروع البطل الاولمبى

دلوقتى احنا بقينى بنستهبل

المشوار ما يخدش ساعه مشى وتبص تلاقى الواحد بيستهبل وبيركبها

والناس تخنت

ولياقتها بقت ف الارض

وحاجه تكسف

تقوم تعلى البنزين تعلى الاجره

نجرى احنا ف الشوارع بقى

واللياقه تعلى

والخشونه ف الركبه تكتر

والصليبى يتقطع

والدكاتره تعيش

الله ربنا يديكى يا حكومه على قد نيتك

علمتنى

لسنين

علمته
فن الاستغناء

حتى

صار

لا تأثره العادات

وكانت هى احدى عادته

2008/03/15

متعب وبشير متعب والجون

احنا مخسرناش

ابوه مخسرناش

احتا كسبنا راجل

ايه اهم

الزمالك ولا المنتخب

قولوا ردو عليا

المنتخب طبعا

المنتخب اهم

حلو

الدورى كدا كدا رايح

وعماد متعب مجبش اجوان وحالته النفسيه وحشه

والمنتخب هيلاعب الارجنتين

يبقى لازم نخلى متعب يجيب جون

وبشير بكل طيبه عمل المستحيل علشان يساعد متعب
ومتعب من ادبه مش راضى يجيب جون

لكن لما متعب لقاه مصر

ولما كان بشير خلاص
حلف بالطلاق ان متعب يجيب جون

الواد حطها ف الجون

متعب حطها ف الجون

وبصراحه بشير دا اجمد لاعب ف صفوف الاهلى على مدار تاريخ ماتشات القمه

الواد بيخدم ع الاهلى بيصلح للاهلى بيلعب مع الاهلى

انا كنت خايف اصلا لو متعب مدخلش الكوره دى

كان بشير شاله ودخله بالكوره ف الجون

ومن هنا اطالب واناشد المستر حسن حمدى

انه يدى بشير الجنسيه الاهلاويه ويريح ابونا

والنبى اشتروه

يالله عليك اشتروه

طيب نديهولك ونجيبلك عليه طقم صينى

دا حونين وبيحب الاهلى

وواد ابن حلال وجدع وشهم ويخدم

اشتريه يا حسن

انا مش عارف احنا هنكسب امتى

والله دى مدوره

والله مدوره

زهقنا بقى مش كل شوبه نفرح الناس التانيه

انا نفسى افرح مره

مره با جدعان مره

دا انا بارخ حياتى بمرات فوز الزمالك ع الاهلى

حياتى بقت فبل اخر مره فزنا ع الاهلى وبعد اخر مره فزنا

ارحمنا بقى با زمالك

دى الرحمه حلوه

2008/03/05

دعم اخوك الاسرائيلى

شوفوا بقى يا جماعه

لا انا عاوز حد فيكو يقولى فلسطين

ولا غزه ولا المحرقه ولا اسرائيل

احنا خلاص عملنا الى علينا وزياده

ومعدناش نقدر نعمل اكتر من كدا ف موضوع الهجمات الاسرائيليه على غزه

مظاهرات بقى وكلام فاضى من دا انا هزعل

الحمد لله ان ربنا وفقنا للقرار السياسى العظيم دا

انتوا اخدتوا بالكم ان احنا اول ما ردينا اسرائيل خاااااااافت وبطلت ضرب يا عينى بعد ما موتت 115 فلسطينى بس

ياجماعه احنا هيبه برضه

صحيح احان مقطعناش الغاز عن اسرائيل مع اننا رفعنا سعر الغاز الى رايح للمصانع المصريه
طب بزمتك اخوك الاسرائيلى يدفى ازاى ف البرد دا لو معندهوش غاز
يبنى بيته ازاى لو مفيش غاز مدعم يشغل مصانع الحديد بتاعتعه
ويسخن اكل ازاى لو مفيش غاز من اابو بلاش

طب انته يا مواطن يا مصرى يافسل
ترضاله انه ياكل الاكل بارد

يا اخى دا الرسول وصى على سابع جار ودا مش السابع ولا السادس ولا الخامس
دا الباب ف الباب

وايه يعنى

ايه يعنى شويه الناس الى ماتت ف فلسطين دى يا عمى دا مصارين البطن بتتخانق

وبعدين احان مسكتناش
دا مجلس الشعب عندنا هيراجع الاتفاقيات المبرمه مع اسرائيل

واحنا عارفين مبروم على مبروم ميرلش
وان شاء الله هنلاقى اى طريقه ندعم بيها اخونا الاسرائيلى

دا طبعا كله غير الموقف الرجولى الى اخده الوزير الشجاع عمر سليمان
ولازم كلنا نتكسف منه

الراجل الشجاع دا مردييييش يروح اسرائيل

عقابا ليهم على عمولووووه

الراجل الطاهر البركه الكميل علق المفواضات يارجااااااااااله
دى اللحظه الى مستنينها من 48 سنه

علقنا المفوضات والمفواضات بقت متعلقه
وعامله كدا
خافوا يا اسرائلين((بس ما تخافوش قوى احنا ميخلصناش تباتوا متنكدين))
احنا علقنا المفواضات

ومش هنسكت احنا كمان ممكن نشجب وندين

احنا مش بنخاف

وعند فيكوا هنفتح معبر رفح((للحالات الخطره بس ومن غير مرافق يعنى متقلقوش هما كدا كدا هيموتوا قبل ما يوصولوا المستشفيات))

احنا مش بنخاف

هك انا جدع
وكمان هنعمل قمه عربيه طارئه((هوا صحيح مش عارف كام حاكم عربى هيعتزر بس مش مشكله هنعقدها برضه))
ولن نكتفى فقط بالشجب والادانه

لاااااا احنا كمان هندد ((من التنديد))

والراجل الدد يحب الدد
وسع سبنى دا انا مبقوق
احنا مش بنخااااااااااااااااااااااااااااااااااف

احنا مش بنخاف يا اسرائييييييييييل

جاااااااااااااااااااى انا هموت بالفالج
سلام بقى دلوقتى لانى مش قادر
فعلا حاسس انى هتشل

2008/02/28

حال القمر

جالوا
تعالى

جالوا تعالى وشوف
حال القمر
ماله
بصيت لجيته تعيس

ولحن الهم مواله

جلت اكيد الهوا

هوى وانشغل باله

جوم لعنت الهوا لابوه لاصل سلساله

2008/02/23

نصايه

وحيد
وجوا منى انين
مجروح
وبين ضلوعى حنبن

وف غربتى تايه بقالى سنبن

والى مصبرنى على الحياه

حب الحياه ف ساعات

وساعات
دمع العنين

2008/02/14

مخاض((من اواراقى المصفره))

الميلاد الاول

((وبدات القصه))

من عالم خاص

يحتوينى

يدفئنى

يأوينى

يسترنى بغير ملابس

يحمينى بغير حرس

سقفه حيث رأسى

وارضه تحت قدمى

((انا كل مكان فى هذا العالم))

الى عالم مقلوب

راسى اسفل

معلق فى الفراغ

كالوطواط

عالم مزدحم

لا مكان لي فيه

وانا لا مكان فيه

((وبهتوا يا للعجب من هول صرخه استقبلت بها عالمكم))

*******************

ميلادى الثانى

يوم احب

كمقامر

خاسر

اتحسس جيوب القلب الفارغ

ابحث عنه هناك

يوم احب هه!!

لا يعرفنى

لا اعرفه

قد يأتى او لايأتى

هذا حقا لا يعنينى

كذباُ كذباً

لا يعنينى

*************************

الميلاد الاخير

من عالم مقلوب

الى عالم افقى

البس كفنى

اودع املى

احتمى بعملى

اذوب فى التراب

((وانتهت القصه))

15/يناير 2005