ابى ابدا لا يقول لا

ابى ابدا لا يقول لا

ابدا..دائما...يصمت..
يرجع رأسه للوراء ..يزفر بعمق ..و..يصمت

انا اراد ان ينفى.. يصمت

"بابا احنا رايحين فين؟"
لو لم يعرف الاجابه
".............."
"بابا"
"..................."
"بابا؟"
لو كانت لا ادرى فهى ".............."
لو كانت لا استطيع ".............. "
ولو كانت لا اريد "................"


هى دائما"..................."

وابدا"......................."


كان ابى رجل النفى الصامت

كلمه لا استطيع,اريد,افهم,ادرى,اعرف محبطه,مضيعه للوقت

ولا احبها اذا" ............"

فليكن".................... "



لذا بدوت مستغربا لما يرد دائما بنفيه عندما سألته اختى ذات الاعوام الثلاث لليله بردت يداه ,ذلك السؤال البسيط

بابا انته عند ربنا؟؟؟

انا شئ

انا شئ انا..... ,انا شيئ



والشئ لزوم الشئ





انا شئ انا....انا شئ

مفيش بـايدى حاجه

اصلى انا غلبان

عمريش اعوز حاجه

فاتح محل ببيع

اوهامى ف قزايز

وهتشترى منى
لو وحتى مش عايز

تدفعلى من دمك
وتقول انا الفايز



محلى اصله كبير

فيه البشر انواع

فيه البشر طراير

عاوز واحد بدقنه

واتين بتوع تكفير

ولا عاوز شيوعى

ولا بتاع تقارير

وعندى واحد عموله

بواقى م التصدير

وطنى بمخ زباله

معاه دليل تشغيل

يبلع مالك ومالى

ومش فارقه يا غالى

لو شيخ طريقه وجامع

ولا راهب ف الدير



انا شئ انا ..انا شئ

والشئ لزوم الشئ

.........

انا شئ انا انا شئ

حاضر ف كل قداس

ومصلى كل فرض

واحب كل الناس

ابيض او اسود عبد

واسأل حتى عيالى

جرجس وعبده ومجد



ساكن روح الوزير

واهو كله لجل الخير

عمري ما دوق الخمره

بس الحشيش اهو غير

عمريش أفرقع بمبه

مع ان عندى كتير

تاخدلك حبه محبه

ولا تاخدلك فرد



بس اوعى تقتل بيه

تمن الرصاص غالى

نصيحه اسرق بس



تؤ

يا عم انا مالى

انا راجل غلبان

خلينى كدا ف حالى



انا راجل غلبان....؟



لأ ...

انا شئ انا....انا شئ

والشئ لزوم الشئ

.......

انا شئ انا....انا شئ

واصحابى مش اشرار

ولا معجونين بالنار

دول ديب لطيف غدار

وتعلوبى المكار

وشعب سايقه حمار

ان قال يمين هيمين

وان قال شمال قالوا عال

وان قال لفوق هيفوق

وان قال لتحت ارتحت

ونمت واسترخيت



انا شئ انا ....انا شئ



والشئ لزوم الشئ



........

انا شئ انا انا شئ



والى هعوزه يكون

هعمل جتوه مالشطه

وحلبه م الكمون

وهبعلك انته الخلطه

بالالف والمليون

هتشترى وانته

سعيد قوى ممنون

وهتشرب قهوه ساده

بفرح بدون مأزون

او تشربها زياده

ف ميتم السعاده

وتعيط م الاجاده

للعبى بالدقون

يا ابنى منيش اهبل

ولا راجل مجنون

ولا زكى شرير
وكمان منيش شمشون

انا ببساطه انته

والى تريده
الى تكيده
الى تشره

يكون

انا الى بس خلاص

خلاص يا ناس

هكتب كلام

مفهوش الم

من غير غرام

ولا جبش فيه سيرة سهر

ولا دمعه نزلت م القمر

من غير ما اقول قلبى اتوجع

ولا حبيب سابنى وخلع

عاوز كلام غير الكلام

عاوز اطير بجناح يمام

عاوز ارفرف ف الفضا

احلم وعينى مفتحين

مش اشوف كبوس من غير منام

وافتح لحلمى الف باب

واشد قلبى من العزاب

واطرد بنفسى وحش غاب

عشش ف روحى من سنين

واقول كلام قديم معاد

من غير ما فلسف ف القضى





غاوز فرح من غير معاد


بره حدود الفزلكه
من غير الم

من غير شقى

اكيد كمان من غير بكى

عاوز اعيش

بابسط حدودى الممكنه

بضمير سعيد

ولو حياتى معكننه

خارج نطاق الهروكه

اسف اميرتى منيش امير

بسيفه يفتح مملكه

قلبيى الكبير

حقير فقير

اخر حدوده التريقه

على راى غوما

خارج نطاق الهروكه

هرزع ف وشه الباب

عايش ف ضلمه وعتمه

بعد رحيل احبابى

معزول وحيد خزيان

جافل عليا ابوابى

فجأه سمعت انى دجه

جادت ف جلبى نور

وجريت من فرحت

((ولا اقول غفلتى

صدقنى مش فارجه

والله ماهى فارجه))

فتحت صناديقى

فينك يالبس العيد

اظهر وبان حالا

عاوزك هن ف ايدى

لبست واتعطرت

سرحت واتزينت

فتحت شبابيكى

فضيت بجى اقفالى

بعيون شقى ملهوف

دورت على ريحتك

لجيتك واقفه بعيد

بعيييييييييييييييييييييد

صرخت كما المجنون

ياحبيبى تعالالى

طعم الدموع مالح
يا قمرى تعالى

رفعتى فيا الطرف

قاطع كما السكين

وجلتى بصوت خالى


جلتيلى

كدا احسن

خلينا يا ابنى اصحاب

يبقى البعاد اهون

هو زمانى جفانى

ولا حظى انا خاب

ولا غبائى السبب

وفضلت فيى العن

ورزعت تانى الباب

خنقتنى يا قمر

نديت عليك يا قمر

عملت مش سامع

قطعت عليكى السما

نكرت نفسك
وعملت مش فاضى

مش كنت انا صاحبك
صديقك

ولا كنت م الماضى

انته الى قلت لى حب

انتى الى علمتنى اصول الهوى

وقلت دا نور ف القلب

والا انته من يومك غاوي غوايه وكدب
يا كلب يا ابن ستين ..........
ليه كدبت عليا

ليه معلمتنيش

ليه خبيت الحقيقه
اسمع منى بقى

الدرس الوحيد ف بحور حياتنا الغميقه

الحب لحظه دوا

والف لحظه خنيقه

قال زعلانين عشان غلو البنزين

انا مش زعلان..

ايوه انا مش زعلان

انته زعلان؟

زعلاااااااااان ليه؟

قلى انته زعلان ليه؟

هتقولى متزعقش؟

طيب مش هزعق بالراحه اهه

انته زعلان ليه؟

انا مش زعلان

غلو البنزين

ما يغلو البنزين والجاز والاكل والشرب والهوا

دا يا ابنى حاجه ماتضايقش

دى حاجه تفرح

حاجه تعرفنا ان الحكومه بتفكر فينا وبتحبنا

وخايفه علينا

لما الدولار خس والحاجه غلست وغليت

والناس الوحشه طلعت اشاعه ان العيش مش موجود

الحكومه صحيت الصبح

بتقرا الجرنال عاااااااااااادى

ولا بيها ولا عليها

لقت الى بيقول مواطن ولع ف نقسه علشان العيش
ودا ولع ف نفسه بايه مش بجاز؟

عنوان تانى
تقتل حماتها وتحرق جثتها
وانته لما تدعى على حد توله ربنا يولع فيك بجاز؟

تالت

يقتل مراته لانه شك فيها باغراقها ف الجاز
تعمل ايه بقى الحكومه...............!؟؟!!

تسكت؟

تجيبلنا عيش؟

تعيشنا حياه كريمه؟

ما تردوا....!
مش لاقين حاجه تقولوها
مش كدا؟


طبعا تغلى الجاز نقوم منلاقيش حاجه نولع بيها ف نفسنا

والمشكله تتحل

دا من الجانب الامنى

ومن جانب اخر الحكومه خايفه على صحتنا

طبعا احنا عارفين ان بعد ارتفاع اسعار الحياه

كان لازم الام تنزل سوق العمل

وطبعا من ضمن الحاجات الى غليت اللبن

والعيال مش لاقيه اللبن ولا ام ترضعها طبيعى
ومن حقهم يرضعوا

طبعا الاخوه ف البلد

م التانك على طول
الواد ياخد التفويله من هنا ويفضل يجرى لحد ما البنزين يخلص

لا يا جماعه دى حكومه بتخطط برضه دى اسم الله عليها حكومه زكيه

وخايفه علينا اصل سرب البنزين بيعمل غازات

واخيرا

القرار دا جه لدعم الرياضه ومشروع البطل الاولمبى

دلوقتى احنا بقينى بنستهبل

المشوار ما يخدش ساعه مشى وتبص تلاقى الواحد بيستهبل وبيركبها

والناس تخنت

ولياقتها بقت ف الارض

وحاجه تكسف

تقوم تعلى البنزين تعلى الاجره

نجرى احنا ف الشوارع بقى

واللياقه تعلى

والخشونه ف الركبه تكتر

والصليبى يتقطع

والدكاتره تعيش

الله ربنا يديكى يا حكومه على قد نيتك