عذرا انا مليش غير اخ واحد وأسمه محمد

ضربو غزة أن أن أاااا "موسيقى تصويريه"

أيه يعنى مهما كل يوم بيضبروها

لأ يا بنى ادم افهم المره دى ضربوا جامد قوى

أحسن وجع ساعه ولا وجع كل ساعه يخلصوا عليهم كلهم دلوقتى ونخلص من الوش دا بدل ما كل شويه
يضبروا ونشجب وندين
يضبروا ونشجب وندين
يضربوا ونشجب وندين


هما بقى المره دى يضبربوا ضربه كبييييييره قوى ومحدش يفضل فى غزه نقوم احنا نشجب شجبببببه كبيره قوى وندين اداااااااانه كبيره قوى ونخلص بقى خالص من موضوع فلسطين

يتبقى الضفه

ان شاء الله ربنا يكرمنا ويضربوها ونخلص



واهم حاجه ومع انك هتصعب على يا عمور ...هنقفل ام الجامعه العربيه ..بيت العرب .. قال بيت العرب قال جتهم ستين بلوه تاخدهم وتشيل وتحط عليهم قادر يا كريم ونفضها سيره بقى . ..وكل شويه لقائات واجتماعات ومؤتمرات قمه اشى عادى واشى استثنائى واشى مغلق واشى مفتوح واشى اهبل واشى غبى وسمو فخامه مش عارفين مين مش جاى القمه علشان سى ولى عهد مش عارف مين شتمه ...وجلالة مين مقاطع سمو مش عارف مين اصله زعقله وتلاقى عمرو موسى ف النص" بس يا حبيبى متشدش كرسى سمو الفخامه زميلك..بس يا فخامتك سيب برايه سموه ..انته ياعظمتك متشدش ودان جلالته "قاعدين ف حضانه جامعه الدول العربيه احنا

وكل شويه ضرب واحتجاج ..ضرب واحتجاج..ضرب واحتجاج.. ايه هو كله احتجاج احتجاج مفيش مره شتيمه

بلاش كاسفه بقى صحابى الالمانى أكل وشى وبيسال معندناش جيش ولا أيه ؟ بس انا مسكتش اه والله مسكتش انا احتجيت على كلامه وقلتله..."لا يا ساشا _خد الكاتشب_احنا جيشنا اسد هصور_خد الملح_ بس احنا لازم الأول نحكم صوت العقل هناخد ايه من الحرب احنا ناس عقلانين" وحطيت وشى على الطبق


طب ليه ما الباب الى يجيلك منه الريح

نقفل الجامعه خالص ولا بقى تقولى اتفاقيه دفاع مشترك ولا اخوه ولا أشقاء ولا نيله
دا انا بطلت اسمع كوره بسببكم

كل شويه منتخب مصر يلاعب منتخب مش عارف مين الشقيق

النادى الاهلى يلاعب نادى مدرك ايه الشقيق

والجماهير الشقيقه ماسكه بعض ف المدرجات طلتيش وشتيمه ومقطعين بعض تقلش جهاد مقدس

يا عالم احنا مش أشقه

احنا عار على بعض ولو أشقه نبقى كلنا ولاد حرام

اقفلوها وريحونا من وجع الدماغ دا ساعتها على الاقل افهم الى بيحصل وافهم ليه احنا ساكتين خلاص مش أشقه ناس عادى بتتخانق ف الشارع حتى نأجر المقر شقق مفروشه دى عالنيل وترد الروح ..طب اسمعوا كلامى كدا دا الفكره دى هتزيد من التقارب والتلاحم والتداخل العربى المصرى المشترك ونحل مشكله البطاله من الجنسين لأن شبابنا كمان بقى منفتح زيه زى البنات بالظبط


اقولكم أنا اسف ..انا ميرضينيش ان عمور ينطرد ويتسوح هيشتغل فين... بلاها عمور الراجل برضه كباره وان مشلتهوش الارض يشيله اصحاب السمو والفخامه فوق تيجانهم

الغلابه الى شغالين معاه يروحوا فين وكمان فكرتى هدامه للفكر الاخلاقى المستنير القائمه عليه حضارتنا العربيه


احنا نلغى عضويه فلسطين

مدفعوش اشتراك الجامعه ..عليهم فلوس متأخره لشركه المايه..مدفعوش اشتراك الوصله أى حجه

وندخل مكانها التشاد.. التشاد شعب شقيق برضه ومريح


ساعتها بقى انام وانا مستريح

وهقفل عينى وودنى مهما مش اشقه بقى

اعملوا اى حاجه

بس والنبى مش عاوزكم تحتجوا ولا تشجبوا ولا تدينوا

اقفلوا المحل.... متجبوش نشرات ...اقفلوا قنوات الاخبار خالص
وافضلوا زيعوا طول النهار الجو بديع والدنيا ربيع وقفولوا على كل المواضيع

انا عارف ان لا الدنيا ربيع ولا الجو بديع فى اى وقت من السنه عندنا لا ربيع ولا غيره

بس هصدقكم وهصقف وهرقص وهغنى كمان
قفل قفل قفل
ويا فلسطين انا مش شقيق حد

صديقى العزيز القديم

اقبلت عليه مسرعاً بحماس شديد..صديقى العزيز القديم لم اره منذ سنين ..واقبل على بنفس الحماس ..كانت ابتسامته العريضه تبارز ابتسامتى فى اتساعها ورحابه رزاعيه المفرودتين باتساع عالمنا القديم تتلهف لزراعى المفرودتين بنفس الاتساع..العيون الامعة بالفرح المالح ترى اكثر من شخصان التقيناهما مصادفه ..شخص له والاخر لى...كلمات خرجت من فمى واخرى من فمه..ضحكات من قلبى واخرى من قلبه ..وزكريات من روحينا...ورحل ...لأكتشف ...انه مجرد صديق عزيز قديم

صبار

دخلنا المقابر صبيحة يوم عيد النحر من الجهة الغربية..تاركين ورائنا زحام سوق العيد فى قريتنا الذى لم أزره من سنين..منذ كففت عن شراء ملابس جديدة والتباهى بالعيدية امام ابناء العمومة أقران الطفولة القريبة.
تيارات الهواء البارده تعبث بطرف جلباب ابى ..شعاع الشمس المرتعش ينعكس على نظارتى الشمسية,شعاع متردد مهزوز يستحى فشله تدفئة قلبى.
كان قبر عمى فى اخر الممر..أخضر , مدرج الى اعلى كهرم قصير خجول..اراه من مكانى بين المقابر الاخرى ..مميز بلونه وبنائه ,مشابه فى الارتفاع والوظيفه
كانت اقدامنا على التراب الاحمر الناعم تترك اثرا ولا تصدر اصواتا يتطاير التراب مع كل خطوه فى تأنى صاحب الدار ليهبط على حذائى الرياضى
"اديدس ,ستان سميث , تمشى بيه ف اى حته هيريح رجلك على الاخر يا باشا"
اقتربت منه باردا كالجو خارج نطاق معطفى الصوفى الناعم..اسمه محفور على قطعه رخام صفراء حائله اللون..تاريخ وفاته ودعاء
فقط !
ونبات صبار مقتول مرمى فوق طرف قصى من القبر,كان لونه كلون لسان بقرة الاضحيه ,باهت الحمره كالموت باهت ككل شئ هنا فقط ..التراب كان واثق اللون .حاولت ابعاد الصبار..لم اصل اليه
كان يخرج لى عشرة السنه تحمل اشواكاً , متبجحاً ببعده عن يدى
اخفض ابى يديه وتمتم
"امين"
بمبالة من يريد ان ينتهى
"اين قبر جدى ؟"
قال بصوت هادئ
"هنا"
اردف بعد نفس عميق
"كسرت لوحته ونحن نضع عمك"
نظرت للصبار ..كان هذا فوق احتمالى ..هو وحده يزكرنى بالموت هنا ..قلت بعصبيه
"هنا !"

"سنأتى جميعا هنا انا ,انت , اخوك, وابنائكم "
كان يتكلم ببطئ شديد
اغمض عينيه وأعاد رأسه الى الوراء فرسمت الشمس على وجهه ظلال..فتح عينيه مره اخرى
"كلنا سنأتى هنا"
استدار الى القبر ..وضع يديه عليه ..وانحنيت انظف حذائى
يحرك شفتيه وهو مطرق الى اسفل..احرك المنديل الورقى بعصبيه على الحذاء..عينه مغمضه ..اجول من خلف نظارتى فى المكان
يشهق
وازفر
ساكن كالتمثال ..هادئ
اخرج سيجاره ..اتملل
"كلنا"
قالها فجأه كصرخة الم قصيرة
كلا النافيه ولام الجزم
كمقصد وهروب
قالها وتجمدت..رفعت عينى اليه
ادخلت سيجارتى مكانها..وضعتها بجيبى الداخلى سحقتها الى أسفل خلعت نظارتى الشمسيه.

وتحرك الصبار ساقطا مع تيار هواء مفاجئ حمل لنا تهليل طفل لعيد بعيد

ابى ابدا لا يقول لا

ابى ابدا لا يقول لا

ابدا..دائما...يصمت..
يرجع رأسه للوراء ..يزفر بعمق ..و..يصمت

انا اراد ان ينفى.. يصمت

"بابا احنا رايحين فين؟"
لو لم يعرف الاجابه
".............."
"بابا"
"..................."
"بابا؟"
لو كانت لا ادرى فهى ".............."
لو كانت لا استطيع ".............. "
ولو كانت لا اريد "................"


هى دائما"..................."

وابدا"......................."


كان ابى رجل النفى الصامت

كلمه لا استطيع,اريد,افهم,ادرى,اعرف محبطه,مضيعه للوقت

ولا احبها اذا" ............"

فليكن".................... "



لذا بدوت مستغربا لما يرد دائما بنفيه عندما سألته اختى ذات الاعوام الثلاث لليله بردت يداه ,ذلك السؤال البسيط

بابا انته عند ربنا؟؟؟

انا شئ

انا شئ انا..... ,انا شيئ



والشئ لزوم الشئ





انا شئ انا....انا شئ

مفيش بـايدى حاجه

اصلى انا غلبان

عمريش اعوز حاجه

فاتح محل ببيع

اوهامى ف قزايز

وهتشترى منى
لو وحتى مش عايز

تدفعلى من دمك
وتقول انا الفايز



محلى اصله كبير

فيه البشر انواع

فيه البشر طراير

عاوز واحد بدقنه

واتين بتوع تكفير

ولا عاوز شيوعى

ولا بتاع تقارير

وعندى واحد عموله

بواقى م التصدير

وطنى بمخ زباله

معاه دليل تشغيل

يبلع مالك ومالى

ومش فارقه يا غالى

لو شيخ طريقه وجامع

ولا راهب ف الدير



انا شئ انا ..انا شئ

والشئ لزوم الشئ

.........

انا شئ انا انا شئ

حاضر ف كل قداس

ومصلى كل فرض

واحب كل الناس

ابيض او اسود عبد

واسأل حتى عيالى

جرجس وعبده ومجد



ساكن روح الوزير

واهو كله لجل الخير

عمري ما دوق الخمره

بس الحشيش اهو غير

عمريش أفرقع بمبه

مع ان عندى كتير

تاخدلك حبه محبه

ولا تاخدلك فرد



بس اوعى تقتل بيه

تمن الرصاص غالى

نصيحه اسرق بس



تؤ

يا عم انا مالى

انا راجل غلبان

خلينى كدا ف حالى



انا راجل غلبان....؟



لأ ...

انا شئ انا....انا شئ

والشئ لزوم الشئ

.......

انا شئ انا....انا شئ

واصحابى مش اشرار

ولا معجونين بالنار

دول ديب لطيف غدار

وتعلوبى المكار

وشعب سايقه حمار

ان قال يمين هيمين

وان قال شمال قالوا عال

وان قال لفوق هيفوق

وان قال لتحت ارتحت

ونمت واسترخيت



انا شئ انا ....انا شئ



والشئ لزوم الشئ



........

انا شئ انا انا شئ



والى هعوزه يكون

هعمل جتوه مالشطه

وحلبه م الكمون

وهبعلك انته الخلطه

بالالف والمليون

هتشترى وانته

سعيد قوى ممنون

وهتشرب قهوه ساده

بفرح بدون مأزون

او تشربها زياده

ف ميتم السعاده

وتعيط م الاجاده

للعبى بالدقون

يا ابنى منيش اهبل

ولا راجل مجنون

ولا زكى شرير
وكمان منيش شمشون

انا ببساطه انته

والى تريده
الى تكيده
الى تشره

يكون

انا الى بس خلاص

خلاص يا ناس

هكتب كلام

مفهوش الم

من غير غرام

ولا جبش فيه سيرة سهر

ولا دمعه نزلت م القمر

من غير ما اقول قلبى اتوجع

ولا حبيب سابنى وخلع

عاوز كلام غير الكلام

عاوز اطير بجناح يمام

عاوز ارفرف ف الفضا

احلم وعينى مفتحين

مش اشوف كبوس من غير منام

وافتح لحلمى الف باب

واشد قلبى من العزاب

واطرد بنفسى وحش غاب

عشش ف روحى من سنين

واقول كلام قديم معاد

من غير ما فلسف ف القضى





غاوز فرح من غير معاد


بره حدود الفزلكه
من غير الم

من غير شقى

اكيد كمان من غير بكى

عاوز اعيش

بابسط حدودى الممكنه

بضمير سعيد

ولو حياتى معكننه

خارج نطاق الهروكه

اسف اميرتى منيش امير

بسيفه يفتح مملكه

قلبيى الكبير

حقير فقير

اخر حدوده التريقه

على راى غوما

خارج نطاق الهروكه